「被看見」

原來我們在心底裏都很希望「被看見」。被人看見及接納真正的自己,好的,不好的。


老闆娘最近在「 人生雜貨店」遇上心情靚靚的H小姐。

問H小姐的近况,她說: 「老闆娘,我好感恩轉咗工呀! 第一次我感覺到 “being seen”!」

「Being seen?!」 老闆娘不由自主充滿好奇心地發出這個問題?

「係呀! 我第一次感覺到喺工作上,竟然有老闆真正明白我呀!以前幾個老闆,覺得我做得幾好幾盡力都係應份,做唔好就話我。宜家新公司老闆,佢真係睇到我係一個點樣嘅人,我嘅用心付出,我嘅優點,我嘅難處,我嘅努力。係喇!就係果種佢真係由心關心我呢個有血有肉嘅人,唔係當我係一個員工,一個工具,或者一部機器。」

H小姐離開後,這個”Being seen”的詞 和H小姐講到”Being seen”時震撼和滿足的表情,在老闆娘腦海裏停留了一段時間,久久不能散去。

在那個星期,老闆娘問了很多人一個問題–「你有啲咩,希望被人睇見?」

兩位孩子的媽媽說:「我希望老公睇見,我為家庭付出嘅時間、精神、體力,我嘅攰,我嘅壓力,我為家庭放棄左嘅,我擔心背後嘅無力感。」

15歲的男生說: 「我希望父母可以睇見,我嘅挑戰,我嘅進步,我嘅努力,我對被朋友接納同認同嘅渴望,我需要嘅自主同空間。」

80後的女生說: 「我希望父母可以睇見,我唔係對人生冇planning, 我對我嘅人生都好認真,只係我哋睇嘅人生有所唔同。」

70歲的爸爸說: 「我希望仔女睇到,我嚴肅背後成長嘅 包袱,我脾氣背後嘅緊張同恐懼。」

原來我們在心底裏都很希望「被看見」。

被人看見及接納真正的自己,好的,不好的。

接下來的一個星期,老闆娘在學習用「心」去看,期待看到更多以前「看不到」或「忽略了」的東西。

送上 #19006「 被看見」。

祝福大家遇上更多真正「看見」我們的人,亦鼓勵我們更多用心看,讓更多我們身邊的人能夠「被看見」。

 

What's Your Reaction?

cute cute
1
cute
scary scary
0
scary
confused confused
0
confused
fun fun
1
fun
love love
2
love
lol lol
0
lol
omg omg
2
omg
win win
2
win
老闆娘

喜歡收集故事,喜歡思考人生, 喜歡尋找意義和智慧。 開設人生雜貨店,期待在高低起伏,有笑有淚的人生中,為你補給物資,與你一起同行。

More From: 生活消閒

You may also like

Choose A Format
圖文格式
以文字配圖片說故事
加載視頻
上載任何形式的視頻