「For Sale」or not「For Sale」,日劇《四重奏》俾我嘅啟發

附上兩張《DSE幻想校園(一)》的插畫作品!


喺上星期發佈嘅首張插畫,並且同故事的時間線上同步發生。

主角卓龍在開學前第一個星期參加了「學長訓練營」,認識了幾位4B班的同學,還有跟他一見如故的「女舞神」── Sonia。

另外在入宿的宿生中,卓龍第一個遇見的是管樂團的首席小號 ── Vinci。

到底卓龍呢個「犯眾憎」,喺失憶之後如何面對一班曾經排斥過佢嘅同學?佢又如何改變自己嘅命運?

如果對呢個故事有興趣嘅人,可到就近自己嘅書局與職員查詢有關《DSE幻想校園(一)》這部實體作品。

唔係想賣乖子,係因為作者本人都唔知書店會將本書被人放咗係邊。

最大嘅貼士係「青年讀物」個度,唔會係流行小說。

講講呢張畫,反映出呢個作品喺香港既係主流,又係非主流嘅獨立輕小說作品,似乎係跟住市場方向創作,但又無滿足市場需求,係我作為「興趣」與「夢想」之間,處於兩者中浮沉。

呢個狀態係我從日劇「四重奏」中學懂的,一邊在「For Sale」,一邊繼續以大宅為根,四處作演奏表演。

明既就明,唔明嘅就用小小時間分享一下我自己嘅睇法。

「三流的演奏者有志向的話,只能淪為四流」

日劇《四重奏》中因為別俯個細佬關係,俾機會佢哋到演奏廳扮演出嘅負責人,佢見到四位主角勉強演出後失望而回的背影時,他對身邊的助手說出造句話(大概意思)。

我從來唔覺得自己係文字上有特別嘅優秀地方,因為我唔係文學出身,中文寫作亦只有中學程度,其後努力去做好「劇本」嘅工作,希望將自己鍾意嘅故事帶俾大家,將訊息傳開去。

但就因為咁,令我好明白到,無能力嘅人,一直向夢想走,換嚟只會係咁差嘅評價。

「興趣」與「夢想」嘅抉擇。就係呢一班人,由開始已經知道音樂係唔可以搵食,但仍然要堅持去走佢哋嘅路,結果又會係點?

咪就係好似黃子華棟篤笑咁,自己攪一次演出,去搏一搏呢個世界嘅認同。

但必須要強調一點,呢個做法唔係叫「圓夢」,「圓夢」只係一種將自己夢想完結嘅方法,係Closed File,係昇華咗嘅放棄狀態。

而《四重奏》最後嘅一場演奏,目的係想製造一個機會,比自己夢想繼續走落去。

係呢一部份其實我感覺好深,因為我最近出版個人小說,好多人都為我高興,「圓夢」好開心。

其實我真心好多謝大家,不過我唔想咁就完結咗我嘅寫作人生,

我嘅夢想,就好似《四重奏》嘅大宅咁,一直「For Sale」,但同時間,一日未有人買走,我一日都仲想繼續等機會去唔同地方演奏。

呢個就係我覺得《四重奏》啟發咗我點去說明自己嘅狀態。

我好明白… …

一個藝術工作家,係唔會理會人哋點睇;
一個專業製作者,係只會介意老闆點睇;
一個業餘創作人,係只會考慮自己點睇;(我介定是一班只為興趣、不求回報的類型,無貶意)

咁我三者都唔係嘅時候,自然係唔知會有咩人會睇,更加唔知道點去令人去睇,
如果只係專注做好自己就得,前人一定行出條康莊大道俾我參考喇,
就係因為個世界唔係咁,所以先無路可行之嘛。

於是「For Sale」、準備放棄都好,我都會掙扎落去,找尋一個演奏嘅機會。

多媒體廢作人 字

What's Your Reaction?

cute cute
5
cute
scary scary
0
scary
confused confused
0
confused
fun fun
6
fun
love love
1
love
lol lol
1
lol
omg omg
3
omg
win win
0
win
小里

一個擁有不同創作靈魂的共同生命體。

More From: 生活消閒

You may also like

Choose A Format
圖文格式
以文字配圖片說故事
加載視頻
上載任何形式的視頻