【環保回收】維他奶智能飲品售賣機 膠樽回收獎賞計劃

想為地球出一分力可以做啲咩？維他奶公司為實踐「可持續發展」環保的概念，與香港城市大學合作，推出全港首部 Vsmart 「維他奶」智能飲品售賣機，在售賣飲品同時亦做回收膠樽，結合膠樽回收活動提供獎賞計劃。

維他奶 x 香港城市大學合作

4月起，香港城市大學校園內可以搵到2部「維他奶」膠樽回收機，任何人士回收累計30個膠樽後，都可以選擇捐款$7.5港元畀聖雅各福群會賽馬會升級再造中心，支持本地循環再造的活動及在升級再造中心工作的復康人士，或者免費換領一盒紙包裝或一樽膠樽裝的維他奶產品。

大家都快啲去支持呢個計劃，為環保出一分力啦！