【親子好去處】The Luxe Manor 超現實主義住宿體


前所未有的住宿體驗,一D都冇誇張!因為我哋好似去咗另外一個世界咁,真真正正的放鬆享受。

帝樂文娜公館 The Luxe Manor  就位處尖沙咀的諾士佛臺。

今次入住體驗正好為媽咪佢N歲生日來慶祝。

The Luxe Manor 設有 153 間客房、全部都以簡約風格及超現實主義為主 ,跟其他酒店非常不同。

客房內每一件傢私及擺設,都係老闆精心設計,非常有心思!

另外有 6 間主題套房,我哋入住其中一間 Safari 套房,極有中東奢華風韻,感覺自己好似去咗杜拜嘆世界咁!

大家估唔估到房門外呢個裝置有咩用途?原來係用來敲門喎!

套房房間超大,有一個正廳,再加上大房,仲有兩個洗手間喔!

一入去就見到酒店為媽咪預備的生日驚喜。

多謝哂酒店GM的悉心安排喔,好感恩!

生日真的沒甚麼願望,只要健健康康,齊齊正正,常在一起便夠了。

然後來到浴室看看,嘩!真係好有中東特色。

房間每個角落都充滿不同風格的設計。

只係房間都已經有好多個點發掘,大家知唔知呢個櫃原來都有緣機~ 係個行李箱嚟㗎!

其實由酒店大堂開始,到處已經係藝術品,感覺自己就好似去咗一間博物館。

酒店設計充滿班牙建築大師高更(Antonio Gaudi)的獨特風格,賓客甫進大門,就已經被以金銅色爲主調的華麗入口吸睛,再穿越以瀑布及水晶燈打造的大堂,住客就好似在不知不覺中踏入超現實的神秘世界。

真係穿梭喺現實與超現實之間。

仲有呢張全港得兩張「老夫子」主題座椅,真係全港人的集體回憶。

尤其係芊芊佢特別鍾意,因為佢係超級粉絲,每次去圖書館就係要借「老夫子」睇。

剛才Check-in時已經感受到酒店職員的貼心款待,一早預備好竹蔗茅根俾我哋,佢哋話最近天氣乾燥,最啱就係飲佢,真係超貼心又貼地!

酒店仲有個小小活動俾小朋友,一張以小鳥造型模切的咭紙,俾小朋友發揮想像空間,配合酒店內環境,創造出屬於自己的小鳥。

酒店亦有主題廂房,四間都各顯風格,可以俾大家包廂享用晚餐。

地下樓層都有健身室及工作間。

酒店都有提供借碟服務,我哋揀咗鍾意的電影番房慢慢睇。

到咗夜晚,我哋就到1樓的 FINDS 餐廳享用晚餐。

最後仲來多一個生日驚喜,酒店知道芊芊都就嚟生日,專登在甜品上寫埋佢個名上去。

我生命中的2個女人,生日快樂!

嘆完晚餐,就即到上一層的 Dada Bar + Lounge,同媽咪去 Chill一Chill 二人世界。

飛開兩個細路,可以同老婆二人世界Me Time一陣,嘆番杯嘢飲真係感覺好正。

我呢杯叫 “Hanky Panky”,老婆嗰杯就叫 “Juliet Strawberries”,好浪漫喔!

CHEERS~ 好飲呀!

非常滿足的一晚,多謝 The Luxe Manor 俾咗我哋一個超開心的周末,同埋媽咪都有一個難忘的生日。

到咗第朝再嘆埋自助早餐,食物款式都好多呀,小朋友可以食到飽飽。

食完就要離開喇~好唔捨得喔!希望下次再有機會嚟啦~

想跟我去體驗其他活動,快D報名親子團,同埋留意專頁公佈詳情啦!

 

地址:香港九龍尖沙咀金巴利道39號

電話:3763 8888

網址:www.theluxemanor.com

(以上資料更新至文章當日)


What's Your Reaction?

cute cute
1
cute
scary scary
0
scary
confused confused
0
confused
fun fun
1
fun
love love
1
love
lol lol
0
lol
omg omg
0
omg
win win
0
win

More From: 遨遊天下

You may also like

Choose A Format
圖文格式
以文字配圖片說故事
加載視頻
上載任何形式的視頻