啱啱過去嘅2月14日你係度做緊咩？喺FACEBOOK/IG放緊閃/被放閃？同情人喺餐廳被人溶緊? 喺屋企打緊「芒亨」？……其實大家唔需要特別去標籤呢日係情人節， 呢個只係商家們賺錢嘅好時機，男士們被清洗荷包嘅日子。你係愛你嘅另一半，其實日日都係情人節，呢日都只係一年嘅其中一日……
其實又有幾多人真係知2月14日情人節(Valentine’s Day)的意義？
話說公元3世紀，古羅馬帝國暴君「哥迪斯二世」徵召晒啲男人去打仗，拆散晒啲家庭同情人，甚至頒布法令唔俾人結婚。當時有個主教華倫泰(Valentine)好痛恨呢個暴政，所以佢都會幫黎神廟搵佢嘅情侶舉辦婚禮。好不幸呢個消息傳到去暴君到，拘禁咗華倫泰並賜佢「死刑三步曲」：先是鞭打，然後被石頭擲打，最終斬首示眾。相傳華倫泰在獄中愛上獄長失明嘅女-亞斯得莉斯，在行刑當日，華倫泰寫咗一封臨別嘅情書，署名「你的華倫泰」(From your Valentine)。嗰日就係公元270年2月14日。（資料來源：香港家庭計劃指導會 教育組）
所以，情人節的意義是──珍惜愛的人。
各位單身既巴打/絲打無需怕咗呢日, 冇情人，你仲有屋企人同朋友，改變心態，撇開「單身狗」既標籤，都可以開開心心渡過呢一日，愛你身邊嘅人，二月十四日快樂！
